رواية نار ولا جنه الفصل السابع 7 بقلم مرفت السيد
#نار_ولاجنة
#بقلم_مرفت_السيد
بارت ٧
لقيت القطة عينيها عبارة عن بؤبؤ اسود بس وضهرها بيرتفع لفوق وبتقرب مني
وسمعت صوت بيهمس: ابعدي عن عمر
معرفش ايه الي حصل بعدها لأني فقدت وعيي
فوقت لقيتهم كلهم حواليا ومعاهم دكتور بيغادر
وبيسألوني عن الي حصل
ماما قالتلي: داخلة اتطمن عليكي لقيتك واقعة على الارض
سألتني روضة:حصل إيه
افتكرت القطة وبصيت حواليا بفزع وصرخت:القطة جن ارموها
مالك:طيب اهدي لأن الدكتور بيقول العصبية والزعل غلط
ماما وشها أتغير وقالت:اعوذ بالله انا قولتلكم
روضة :هي فين القطة
الكل دور على القطة ومحدش لقاها اكنها اتبخرت
بابا:يمكن لما قريت قرآن هربت
قمت من مكاني وقولتلهم وانا باقاوم الاجهاد الي انا حاسة بيه:انا لازم اعرف إيه اللي بيحصل
مالك:طيب ارتاحي وبكرة هاخدك ونروح بس انتي تعبانة
ماما:ايوة يابنتي كلها سواد الليل
انفجرت بالبكاء واترميت بحضن أمي وماحستش بنفسي الا تاني يوم الصبح
اتوضيت وصليت وفضلت ادعي من قلبي يارب الهمني بقلم مرفت السيد الحقيقة يارب ساعدني انا اتظلمت
وفضلت اناجي ربنا احكم الحاكمين ارحم الراحمين العدل
لحد ماخلصت وانا حاسة براحة غريبة وقلبي مرتاح وكلي سكينة
يااااااه على رجمة ربنا بينا حتى قلوبنا المنكسرة بيجبرها برحمته
لبست وخرجت مبتسمة كلهم بصولي بدهشة ممزوجة بالسعادة اول مرة دموع عينيا تختفي من ساعة مااتجوزت عمر
قعدت وبدأت اكل وضحكت لما لقيتهم مستغربين وبيبصولي قولتلهم:مالكم ياجماعة اول مرة تشوفوا مرات العفريت
ضحكوا من كلامي وفضلنا نهزر ونضحك
وفجأة قولتلهم وانا باقوم من مكاني وباسحب شنطتي:ياللا بينا يامالك
قام مالك معايا وقالهم: اتطمنوا انا اتصلت بوائل وهاييجي معانا
قامت روضة وقالت :انا كمان جاية معاكم
مالك:اه ماانتي جوزك مسافر وفاضية بقى احنا مش رايحين نتفسح
روضة:انا كمان عاوزة افهم واتاكد ان خالد مايعرفش بقلم مرفت السيد حاجة زي مابيقول
ماما :مالك خلي بالك منهم وطمننا عليكم باستمرار
بابا:ربنا يسدد خطاكم ويبعد عنكم كل سوء
وانصرفنا وسط دعواتهم وقلقهم وقلقنا احنا كمان
اتوجهنا بالسيارة الى قسم الشرطة واتصل مالك بوائل صديقه الظابط
وبعد قليل لقيناه جاي ومعاه ٢ ظباط اصحابه
وهو ركب مع مالك قدام واصحابه ركبوا في عربية تانيةورانا
اضطريت انزل من جنب مالك واركب ورا جنب روضة ماوائل فتحلي الباب وهو مبتسم وعينه بالأرض وقال:انا اسف
رديت:ولايهمك
وساعتها شافني و عينيه جت في عينيا ومنزلش عينه من عليا اتحرجت ودورت وشي
وركبت جنب روضة وهو جنب مالك وانطلقنا
طول الطريق مالك ووائل بيتكلموا سوا وانا وروضة بندردش وبنتخيل اننا هانروح نلاقي بخور بقلم مرفت السيد وعفاريت و مكان ضلمة وكله قطط وجماجم
وفضلنا نضحك على خيالنا خصوصا لما قولت لروضة:ربنا يستر ماتسخطناش قرود
ساعتها ابتسم هو ومالك الي قالنا: مش للدرجادي ياجوجو
وائل : هو لو هاتسخط اتمنى. اتسخط أسد
مالك:انا اتمنى اكون فهد
روضة:انا أتمنى اكون انثى النسر
جنة:وانا عاوزة ابقى قطة
وضحكنا كلنا تاني واحنا بنفتكر القطة ووائل مش فاهم حاجة
مالك:متستغربش هافهمك بعدين ياوائل
سكتنا وبدأ التوتر لما وائل قال :وصلنا
بصينا على البيت لقيناه في وسط ارض شبه مهجورة بيت مكون من دورين وشكله كئيب ومقبض وتحس ان الدنيا ضلمة مع اننا بالنهار
مالك:ايه المنظر دة معقول دة بيت دة عامل زي القبر
توقفت السيارتين امام البيت ووائل طلب من زمايله يستنوا برة
واتقدمنا احنا الاربعة مالك ووائل قدامنا وانا وروضة وراهم
وائل لف وشه وبصلنا بنظرة مطمئنة وقال بنبرة هادئة :خليكم ورانا بمسافة واسمعوا كلامي لو طلبت منكم تبعدوا او تجروا
مالك: متخافوش وائل بيأمنكم بس
معرفش ليه حسيت بالأمان من وجود وائل وبسرعة قارنت بين موقفه البسيط دة ومواقف عمر معايا واظن واضح مين كسب المقارنة
فوقت من افكاري على وائل وهو بيرن الجرس بايد وايده التانية واضعها على مسدسه في جنبه
محدش رد فمالك رن الجرس تاني وتالت لحد ماشوفنا خيال حد بيتحرك
بعد دقيقة انتظار اتفتح الباب ولم يظهر احد
تقدمنا وائل وهو بيقول: اظهر او اظهري نفسك انا الظابط وائل
وفجأة........
😲😲😲😲😱😱😱
يتبع
#نار_ولاجنة
#بقلم_مرفت_السيد
#M_s
